دینہ: ایڈیشنل سیشن جج جہلم چوہدری فیاض الحسن نےمنشیات کے مقدمہ نمبر22/ 805 بجرم CNSA 9-(i)3C تھانہ دینہ کا فیصلہ سنا دیا۔
مجرم توقیر نے منشیات فروشی کے جرم کے ساتھ ناجائز اسلحہ رکھنے کے ارتکاب کیا تھا،جس پر معزز عدالت نے مجرم توقیر کو09سال قید اور1 لاکھ روپے جرمانہ کی سزا کا فیصلہ سنا دیا۔
مجرم کو 1 سال قبل منشیات فروشی کے جرم میں گرفتار کیا گیا تھا، جہلم پولیس نے مجرم کو ٹریس کرکے گرفتار کیا اور ٹھوس شواہد کیساتھ چالان عدالت کیا اور مقدمہ کی موثر پیروی کی،جس کے پیش نظر معزز عدالت نے مجرم کو قرار واقعی سزا سنائی۔
ڈی پی او جہلم ناصر محمود باجوہ کا کہنا تھا کہ منشیات فروش معاشرے کا ناسور ہیں جن کے خاتمے کے لئے بھرپور آپریشن جاری رہے گا۔
ڈی پی او جہلم ناصر محمود باجوہ نے انوسٹی گیشن اور لیگل ٹیموں کو شاباش، تعریفی سرٹیفکیٹ اور نقد انعام دینے کا اعلان کیا۔
