متنازع ویڈیو: ٹک ٹاکر علیزہ سحر نے ویڈیو لیک کرنے والے شخص کے بارے میں کیا بتایا؟

مشہور ٹک ٹاکرعلیزہ سحر ٹک ٹاک پر پاکستان کی دیہی زندگی سے متعلق ویڈیوز بناتی ہیں اور اپنی سادگی کے باعث خاصی شہرت رکھتی ہیں۔ وہ اکثر اپنی ویڈیوز میں تندور پر روٹیاں لگاتے، مٹی کے چولہے پر کھانا بناتے اور کچے صحن میں جھاڑو لگاتے نظر آتی ہیں۔

متنازع ویڈیو

حال ہی میں علیزہ سحر کی ایک متنازع ویڈیو انٹرنیٹ پر وائرل ہوئی جس میں وہ لائیو ویڈیو کال پر کسی سے بات کر رہی ہیں۔ اس ویڈیو لیک کے بعد سوشل میڈیا پر کافی شور مچا ہوا ہے اور علیزہ کے نام ٹرینڈ کر رہا ہے۔
اس متنازع ویڈیو کے بعد علیزہ کی جانب سے فوری طور پر کوئی بیان جاری نہیں کیا گیا تھا تاہم کچھ روز گزرنے کے بعد انہوں نے اپنے چینل کے ذریعے اپنا مؤقف بیان کیا ہے۔

علیزہ نے ویڈیو پیغام میں کیا کہا

اپنے ویڈیو پیغام میں علیزہ سحر نے بتایا کہ انہیں اپنی ویڈیو لیک ہونے کا 3 دن پہلے پتہ چلا تھا جس کے بعد وہ اگلے دن ایف آئی اے سائبر کرائم ملتان گئیں جہاں پر ان کے ساتھ مکمل تعاون کیا گیا۔

ویڈیو ریکارڈ کرنے والا کون تھا

انہوں نے بتایا ہے کہ ویڈیو لیک کرنے والے شخص کا تعلق اوکاڑہ سے ہے جو اس وقت قطر میں رہائش پذیر ہے، ایف آئی اے والوں کے رابطہ کرنے پر اس شخص نے ویڈیو ایڈٹ شدہ ہونے کا اعتراف کیا لیکن اس بات سے انکار کردیا کہ ویڈیو سوشل میڈیا پر اس نے اپلوڈ کی تھی۔

علیزہ نے کن لوگوں کو خبردار کر دیا

انہوں نے یہ بھی کہا کہ ایف آئی اے نے میرے ساتھ تعاون ضرور کیا لیکن ویڈیو لیک کرنے والے شخص کے خلاف کوئی کارروائی نہیں کی۔ ویڈیو میں ٹک ٹاکر نے سوشل میڈیا پر اپنے خلاف پروپیگینڈا کرنے والوں کو خبردار کیا کہ اگر وہ فضول باتیں کرنے سے باز نہ آئے تو اگلی ویڈیو میں انہیں بے نقاب کریں گی۔

علیزے سحر نے ویڈیو بنانے اور وائرل کرنے والے کے خلاف قانونی کاروائی کا آغاز کر دیا ہے

علیزے سحر مزاحمت کا استعارہ بن چکی ہے

Public must support her
More power to her pic.twitter.com/2NNtNiDdmD

— Khurram (@Khurram_zakir) October 27, 2023

علیزہ کی خودکشی

ٹک ٹاکر علیزہ سحر کی متنازع ویڈیو سوشل میڈیا پر لیک ہونے کے بعد سوشل میڈیا پر خبریں آ ئیں کہ علیزہ نے مبینہ طور پر خودکشی کر لی، تاہم ان کے حالیہ ویڈیو پیغام سامنے آنے کے بعد اصل حقیقت سامنے آ گئی ہے جبکہ ٹک ٹاکر کے بھائی نے بھی علیزہ کی خودکشی سے متعلق خبروں کی تردید کی ہے ۔

حریم شاہ کی اینٹری

علیزہ کی ویڈیو لیک ہونے کے بعد معروف ٹک ٹاکر حریم شاہ ان کی حمایت میں سامنے آگئیں، ایکس پر ایک پوسٹ میں انہوں نے کہا،’کل سے پاکستان کے ہوس پرست مرد ٹک ٹاک اسٹار علیزہ سحر کی غیراخلاقی ویڈیو شیئر کررہے ہیں۔ اگر کسی نے غلطی کرلی ہے تو اسکا مطلب یہ نہیں کہ آپ ہر جگہ اس کی تشہیر کریں۔ کچھ شرم کچھ حیا ہے یا نہیں؟‘

کل سےپاکستان کے ہوس پرست مرد ٹک ٹاک سٹار علیزہ سحر کی غیراخلاقی وڈیو شئیر کررہے ہیں۔ اگر کسی نے غلطی کرلی ہے تو اسکا مطلب یہ نہیں کہ آپ ہر جگہ اس کی تشہیر کریں۔ کچھ شرم کچھ حیا؟ pic.twitter.com/BftMqPuMxO

— Hareem Shah (@_Hareem_Shah) October 25, 2023

سوشل میڈیا صارفین کی بڑی تعداد نے ٹک ٹاکر علیزہ کی حمایت کا اظہار کیا ہے، انہوں نے علیزہ کو ڈھیروں دعائیں دیتے ہوئے ان سے اپنا خیال رکھنے کا مشورہ بھی دیا ہے۔