جہلم: پی ایم اے جہلم کے الیکشن کا شیڈول جاری، ڈاکٹرز عمل گروپ کے صدر نے 25 اکتوبر کو اجلاس طلب کر کے تمام امیدواران مدعو کر لیا۔
اس حوالے سے ڈاکٹرز عمل گروپ نے بتایا کہ پی ایم اے جہلم کے الیکشن کا شیڈول جاری ہو چکا ہے لہٰذا ڈاکٹرز عمل گروپ کے صدر نے اپنا ایک پینل تشکیل دینا ہے اور خواہش مند امیدوران کو مدعو کر کے متفقہ طور پر ایک لائحہ عمل اختیار کرنا ہے۔
انہوں نے بتایا کہ ڈاکٹرز عمل گروپ شفاف انتخابات پر یقین رکھتا ہے اور اس کی کوشش ہے کہ الیکشن ہر حوالے سے منصفانہ ہوں، ووٹرز آزادی کے ساتھ اپنے امیدوار کو ووٹ کاسٹ کرسکیں۔
انہوں نے بتایا کہ ڈاکٹرز عمل گروپ کے صدر کی شدید ترین خواہش ہے کہ اس گروپ میں سے ایسے امیدوران ہونے چاہیے جن کے پاس گروپ کے مفاد میں کام کرنے کا وقت ہو، نیز دوران الیکشن اور الیکشن کے بعد ڈاکٹرز کمیونٹی کے مفادات کا تحفظ کر سکیں۔
ذرائع کے مطابق 25 اکتوبر کو ڈاکٹرز عمل گروپ کے صدر اپنے پینل کا حتمی اعلان کر دیں گے۔
