جہلم: عام انتخابات کیلئے ضلع جہلم کی دو قومی اور تین صوبائی اسمبلیوں کی نشستوں کے لئے امیدواروں کی جانب سے کاغذات نامزدگی فارم جمع کروانے کا سلسلہ جاری ہے۔
حلقہ این اے 60 سے پی ٹی آئی کی سابق ایم پی اے سبرینہ جاوید اور سابق لیگی ایم پی اے چوہدری ندیم خادم نے کاغذات نامزدگی جمع کروائے ہیں۔
حلقہ این اے 61 سے نوابزادہ مطلوب مہدی، چوہدری فرخ الطاف، عابد اشرف جوتانہ، راجہ قاسم سمیت متعدد امیدواروں نے کاغذات نامزدگی فارم جمع کروادیئے ہیں۔
حلقہ پی پی 24 سے چار امیدوروں نے کاغذات نامزدگی فارم جمع کروائے۔ پی پی 24 سے نامزدگی فارم جمع کروانے والوں میں سابق ایم پی اے راجہ یاور کمال، سابق ایم پی اے راجہ اویس خالد اور تحریک لبیک کےعرفان شاہ بھی شامل ہیں۔
حلقہ پی پی 25 سے پی ٹی آئی کے سابق ایم پی اے چوہدری ظفر، سابق لیگی ایم پی اے چوہدری لال حسین، سابق ایم پی اے چوہدری ندیم خادم سمیت پانچ امیدواروں نے کاغذات جمع کروائے ہیں۔
حلقہ پی پی 26 سے ایک درجن امیدواروں نے کاغذات نامزدگی فارم جمع کروائے ہیں۔ پی پی 26سے سابق تحصیل ناظم راجہ افتخار شہزاد، تیمور نواز جٹ، سابق ایم پی اے ناصر للِہ، چوہدری جاوید اور نیلو فر شامل ہیں۔
