جہلم: آفس سپرنٹنڈنٹ ہمایوں رفیق کے اعزاز میں ڈسٹرکٹ جہلم سے ٹرانسفر کے موقع پر ڈسٹرکٹ پولیس آفس جہلم میں الوداعی تقریب کا انعقاد کیا گیا۔
ڈی پی او جہلم ناصر محمود باجوہ، ایس پی انویسٹی گیشن، ڈی ایس پی صدر، ایس ایچ او پنڈدادنخان،سٹی ،سول لائینز اور انچارج برانچز نے تقریب میں شرکت کی۔
پولیس افسران نے آفس سپرنٹنڈنٹ ہمایوں رفیق کی جہلم پولیس کے لئے خدمات کو سراہا اور نیک خواہشات کا اظہار کیا، ٹرانسفر ہونے والے آفس سپرنٹنڈنٹ ہمایوں رفیق نےڈسٹرکٹ پولیس آفیسرجہلم اورجہلم پولیس کا شکریہ ادا کیا۔
اس موقع پر آفس سپرنٹنڈنٹ ہمایوں رفیق نے کہا کہ جہلم پولیس کے ساتھ بہترین وقت گزرا جو ہمیشہ یاد رہے گا۔
ڈسٹرکٹ پولیس آفیسر جہلم ناصر محمود باجوہ نے کہا کہ ٹرانسفر پوسٹنگ سروس کا حصہ ہے جہلم پولیس کیلئے آپکی خدمات کو ہمیشہ یاد رکھا جائے گا۔
تقریب کے اختتام پر ڈی پی او جہلم ناصر محمود باجوہ نے آفس سپرنٹنڈنٹ کو اعزازی شیلڈ اور پھولوں کا گلدستہ پیش کیا، تمام پولیس افسران نے آفس سپرنٹنڈنٹ ہمایو ں رفیق کے مستقبل کے لیے نیک تمناؤں کا اظہار کیا۔
