سوہاوہ میں گھر سے چوری چھپے مچھلی پکڑنے کے لئے جانے والے دو کم عمر لڑکے تالاب میں ڈوب کر جاں بحق ہو گئے، لاشوں کو تالاب سے نکال کر ہسپتال منتقل کر دیا گیا۔
تفصیلات کے مطابق جہلم کی تحصیل سوہاوہ کے علاقہ میانی سیداں میں 10 سالہ حسنین عباس ولد امجد عباس اور 13 سالہ بدر حسین ولد ناظم حسین تالاب میں ڈوب کر جاں بحق ہو گئے۔
ذرائع کے مطابق دونوں کم عمر لڑکے گھر سے چوری چھپے مچھلی پکڑنے کیلئے گئے تھے اور تالاب میں ڈوب کر جاں بحق ہو گئے۔
اطلاع ملتے ہی ریسکیو ٹیمیں موقع پر پہنچ گئیں، دونوں لڑکوں کی تلاش کے لیے واٹر ریسکیو آپریشن کیا گیا اور دونوں کم عمر لڑکوں کی ڈیڈ باڈیز تالاب سے نکال لی گئیں۔
ریسکیو 1122 نے دونوں لڑکوں کی ڈیڈباڈیز کو تحصیل ہیڈ کوارٹر ہسپتال سوہاوہ منتقل کر دیا۔
