سعودی عرب جانے والوں کو روانگی سے قبل کتنے دنوں پہلے لازمی پولیس کی ویکیسن لگوانا ہوگی اس حوالے سے اہم خبر آگئی۔
تفصیلات کے مطابق سعودی جنرل اتھارٹی آف سول ایوی ایشن کی جانب سے وزارت مذہبی امور کو مراسلہ ارسال کیا گیا ہے جس کے مطابق پاکستان سے آنے والے مسافر سعودی عرب روانگی سے کم از کم 4 ہفتے قبل پولیو کی ویکسین لگوائیں۔
مراسلے میں مزید کہا گیا کہ عمرہ زائرین پولیو سے بچاؤ کی ویکسین لازمی لگوائیں، سعودی عرب کے لیے روانہ ہونے سے ایک مہینے قبل ویکسین لی جائے۔
سعودی جنرل اتھارٹی کے مراسلے میں مزید کہا گیا کہ روانگی کےوقت ویکسینیشن کےعمل کو 6 ماہ سے زیادہ عرصہ نہیں ہونا چاہیے۔
خیال رہے کہ پاکستانی عمرہ زائرین کو پولیو ویکسین سرٹیفکیٹ نہ ہونے پر آف لوڈ کر دیا گیا تھا، سعودی عرب نے مسافروں کیلئے پولیو ویکسین سرٹیفکیٹ ہونا لازم قرار دیا ہے۔
ذرائع نے بتایا کہ لاہورایئرپورٹ پرسعودی عرب جانیوالے متعدد مسافروں کو بورڈنگ کارڈ جاری نہیں ہوئے اور پولیوویکسین سرٹیفکیٹ نہ ہونے پر مسافروں کو آف لوڈ کیا گیا۔
