جہلم میں پنجاب فوڈ اتھارٹی نے 640 لیٹر ناقص دودھ تلف کر دیا۔
تفصیلات کے مطابق پنجاب فوڈ اتھارٹی جہلم کی ٹیم نے جہلم میں جی ٹی روڈ اور راٹھیاں کے مقامات پر ناکے لگا کر دودھ بردار گاڑیوں کی چیکنگ کی۔ اس کارروائی کے دوران مجموعی طور پر 5 گاڑیوں میں موجود 16 ہزار لیٹر دودھ کو چیک کیا گیا۔
ترجمان فوڈ اتھارٹی کے مطابق چیکنگ کے دوران 640 لیٹر ناقص دودھ برآمد ہوا جس میں پانی کی ملاوٹ پائی گئی۔ یہ ناقص دودھ راولپنڈی سپلائی کیا جانا تھا جسے موقع پر ہی تلف کر دیا گیا۔
@jhelumupdates جہلم میں پنجاب فوڈ اتھارٹی نے سینکڑوں لیٹر ناقص دودھ تلف کر دیا #JhelumUpdates #Latestnews #fyp #breakingnews #foryoupagе #viralvideos #Jhelum #rawalpindi ♬ original sound – Jhelum Updates
حکام کے مطابق ملاوٹ ثابت ہونے پر 3 دودھ بردار گاڑیوں کو مجموعی طور پر 50 ہزار روپے کے جرمانے عائد کیے گئے۔ فوڈ اتھارٹی کا کہنا ہے کہ شہریوں کو خالص دودھ کی فراہمی یقینی بنانے کے لیے روزانہ کی بنیاد پر چیکنگ کا عمل جاری ہے۔
پنجاب فوڈ اتھارٹی کے مطابق خوراک میں ملاوٹ کرنے والوں کے خلاف سخت قانونی کارروائی عمل میں لائی جائے گی تاکہ عوام کی صحت کا تحفظ یقینی بنایا جا سکے۔
