پنڈدادنخان: پولیس نے اہم کارروائی کرتے ہوئے نقب زنی کے مقدمہ میں ملوث دو ملزمان کو گرفتار کر لیا اور ان کے قبضے سے چوری شدہ سامان برآمد کر لیا۔
تفصیلات کے مطابق جہلم کی تحصیل پنڈدادنخان میں ایس ایچ او تھانہ پنڈدادنخان نے اپنی ٹیم کے ہمراہ کارروائی کرتے ہوئے نقب زنی کے مقدمہ میں ملوث 2 ملزمان کو ٹریس کر کے گرفتار کیا۔ پولیس کے مطابق ملزمان کے قبضے سے دو موبائل فونز، آرٹیفیشل جیولری اور دیگر گھریلو سامان برآمد کیا گیا ہے۔
پولیس حکام کا کہنا ہے کہ ملزمان کے خلاف مزید تفتیش جاری ہے اور انہیں ٹھوس شواہد کے ساتھ عدالت میں پیش کر کے قرار واقعی سزا دلوائی جائے گی۔
ڈسٹرکٹ پولیس آفیسر جہلم شفیق احمد چوہدری نے کہا ہے کہ شہریوں کے جان و مال کا تحفظ پولیس کی اولین ترجیح ہے اور جرائم پیشہ عناصر کے خلاف بلا امتیاز کارروائیاں جاری رکھی جائیں گی۔
