سوہاوہ: تحریک لبیک پاکستان کا سوہاوہ میں بھرپور پاور شو، کامیاب ریلی اور جلسے کے انعقاد نے دیگر امیدواروں کے لئے خطرے کی گھنٹی بجا دی۔
تفصیلات کے مطابق سوہاوہ میں انتخابی مہم کے سلسلہ میں حلقہ این اے 60 جہلم ون سے تحریک لبیک پاکستان کے حمایت یافتہ آزاد امیدوار چوہدری زاہد اختر اور حلقہ پی پی 24 سے ٹی ایل پی کے امیدوار سید عرفان امیر شاہ بخاری نے انتخابی ریلی اور جلسے کا انعقاد کیا۔
خراب موسم کے باوجود ہزاروں کی تعداد میں کارکنان جمع ہوئے اور سوہاوہ شہر میں ریلی کے بعد جلسہ کیا گیا جس میں امیدوار برائے قومی اسمبلی چوہدری زاہد اختر و دیگر نے انتخابی منشور پیش کیا اور دینہ و سوہاوہ کی ترقی کے لئے اپنا پروگرام پیش کیا۔
یاد رہے کہ سوہاوہ شہر میں اب تک تحریک لبیک پاکستان کے علاوہ کسی جماعت نے پاور شو نہیں کیا ہے اور نہ ہی کوئی جلسہ کیا گیا ہے، اس وقت چوہدری زاہد اختر اور پیر سید عرفان امیر شاہ کی جوڑی سیاسی طور پر سب سے مضبوط نظر آرہی ہے۔
دیگر امیدواروں کی الیکشن کمپین ابھی تک گومگو اور اندورنی خلفشار اور گروپ بندی کا شکار ہے اسی لئے تاحال انکی طرف سے کوئی بڑی سیاسی سرگرمی سامنے نہ آئی ہے اور الیکشن کمپین کا کل آخری دن ہے کیونکہ الیکشن سے 48 گھنٹے پہلے الیکشن مہم / کمپین ختم کرنے کی ہدایت کی گئی ہے۔
