جہلم پریس کلب کے باہرنہتے فلسطینیوں پر بمباری سے شہید ہونے والے فلسطینی بچوں کی یاد میں شمعیں روشن کی گئیں۔
جہلم شہر کی خواتین نے شمعیں روشن کرکے فلسطینی عوام کے ساتھ اظہارہمدردی کی۔ اسرائیل کی بمباری کے باعث فلسطینی بھائی، بہنوں، بچوں کی یاد منائی اور انکے فراق میں شمعیں روشن کی گئیں۔
گزشتہ کئی روز سے غاصب صیہونی حکومت نے غزہ پر بمباری کر کے ہزاروں نہتے فلسطینیوں کو شہید اورہزاروں کو زخمی کیا۔
اس موقع پر خواتین نے شمعیں روشن کیں اور فلسطینی عوام کے ساتھ اظہارِ ہمدردی کیااور امت مسلمہ سے مطالبہ کیاگیا کہ یکجا ہو کر فلسطینی بہن بھائیوں کے ساتھ کھڑے ہوں۔
اس موقع پر خواتین نے شہید ہونے والے فلسطینیوں کو خراج عقیدت پیش کیا۔
