جہلم: نئے مالی سال کے آغاز سے عدالتی ٹکٹوں کی قیمت میں بے پناہ اضافہ کر دیا گیا جس سے سائلین کی چیخیں بلند ہونے لگیں۔
ڈسٹرکٹ بار ایسوسی ایشن نے بھی اس اضافہ کو مسترد کر دیا۔ عدالتی 2 روپے ، 4 روپے ، 5 روپے اور 10 روپے کے ٹکٹس مکمل ختم کر کے ان سب کی جگہ 500 روپے کے لئے عدالتی ٹکٹس متعارف کروادیئے گئے ہیں۔
مجسٹریٹس اسسٹنٹ کمشنر ایڈیشنل ڈپٹی کمشنر ریونیو کی عدالتوں میں متفرق درخواستوں کے لئے 500 روپے کا ٹکٹ چسپاں کرناسائلین کے لئے لازم قرار دے دیا گیا ہے۔
