جہلم: ڈی پی او جہلم ناصر محمود باجوہ کے احکامات پر جہلم پولیس نے یوم آزادی 14 اگست کے حوالے سے سکیورٹی پلان جاری کر دیا۔
ترجمان جہلم پولیس کے مطابق ضلع جہلم میں یوم آزادی 14اگست کی تقریبات پر جہلم پولیس کے چاق و چوبند افسران و جوان سکیورٹی فرائض سر انجام دیں گے۔ شہریوں کے جان و مال کے تحفظ کے لیے پانچ ڈی ایس پیز، 23 انسپکٹرز، ایس ایچ اوز سمیت 749 جوان سکیورٹی کے فرائض سر انجام دیں گے۔
ترجمان نے بتایا کہ امن و امان کے قیام کےلئے ایلیٹ فورس اور محافظ فورس کی ٹیمیں بھی گشت کرتی رہیں گی۔ خواتین اور فیملیز کے تحفظ کے لئے تفریحی مقامات پر بھی پولیس افسران و جوان تعینات کیے گئے ہیں۔ ہوائی فائرنگ، ہلڑ بازی اور ون ویلنگ کی روک تھام کیلئے پکٹس اور سپیشل ٹیمیں بھی تشکیل دیں گئیں ہیں۔
اس حوالے سے ڈی پی او جہلم ناصر محمود باجوہ کا کہنا ہے کہ یوم آزادی کی تقریبات اور ریلیوں کو فول پروف سکیورٹی فراہم کی جائے گی۔ کسی کو بھی خواتین اور فیملیز کو ہراساں کرنے کی اجازت نہیں دی جائے گی، شہریوں کے جان و مال کی حفاظت کو ہر صورت یقینی بنایا جائے گا۔
