سوہاوہ: روہتاس انٹرنیشنل سکول جھنگ چک میں جشن آزادی کی رنگ رنگ تقریب کاانعقاد، راناجاوید اقبال سی ای اوایجوکیشن، چوہدری تسنیم ناصر، ڈاکٹرقاسم محمود، چوہدری ساجد ڈی ایس پی سوہاوہ سمیت دیگرسیاسی سماجی شخصیات نے شرکت کی۔
تفصیلات کے مطابق جہلم کی تحصیل سوہاوہ کے علاقہ جھنگ چک روہتاس انٹرنیشنل سکول اینڈ کالج میں چودہ اگست جشن آزادی کے سلسلہ میں رنگا رنگ تقریب کاانعقاد کیاگیاجس کاآغاز تلاوت قران پاک اور نعت پاک ﷺ سے کیاگیا۔
بچوں نے تقریب میں چودہ اگست کے حوالے سے مختلف ملی نغمے پیش کئے۔ انکے علاوہ طلباء و طالبات نے مختلف ٹیبلوز پر شاندار پرفارمنس پیش کرکے تقریب کاچار چاندلگادیا۔ طلباء و طالبات نے پنجاب، بلوچستان، سندھ، کےپی کے اور آزادکشمیرکے کےکلچرپرٹیبلوز پیش کئے۔
تقریب میں سی ای او ایجوکیشن جہلم راناجاوید اقبال، سابق ایم پی اے چوہدری تسنیم ناصر، امیرجماعت اسلامی ضلع جہلم ڈاکٹرقاسم محمود چوہدری، ڈی ایس پی سوہاوہ ساجد گوندل، سابق چیئرمین یوسی اڈرانہ عامرنواز کیانی، وائس چیئرمین راجہ نعیم سمیت دیگر سیاسی و سماجی شخصیات، طلباء و طالبات کے والدین کی بڑی تعداد نے شرکت کی۔
اس موقع پر سکیورٹی کے سخت انتظامات کئے گئے تھے۔ ایلیٹ فورس، تھانہ ڈومیلی اور کسیال چوکی کی پولیس اور ٹریفک پولیس کے اہلکار موجود تھے۔
اس موقع پر مہمانوں نے شرکاء سے خطاب میں کہا کہ پاکستان کو حاصل کرنے کیلئے بڑی قربانیاں دی گئی جن کو رائیگاں نہیں جانے دیں گے۔ اس ملک کو حاصل کرنے پاکستانیوں دن رات محنت کی۔ ہم پاک فوج کیساتھ شانہ بشانہ کھڑے ہیں۔ فوج کو بدنام کرنے والے ملک دشمن ہیں انکو کبھی کامیاب نہیں ہونے دیں گے۔
ایگزیکٹوڈائریکٹر چوہدری ابرار نے تمام شرکاء کا شکریہ اداکیا۔
