دینہ میں تیز رفتار کار الٹ گئی، حادثہ میں خاتون سمیت دو افراد شدید زخمی ہو گئے، زخمیوں کو ہسپتال منتقل کر دیا گیا۔
تفصیلات کے مطابق جہلم کی تحصیل دینہ کے نواحی علاقہ پنڈوری میں منگلا روڈ پر تیز رفتار کار الٹ کر گہرائی میں جا گری جس کے نتیجہ میں خاتون سمیت دو افراد شدید زخمی ہو گئے۔
اطلاع ملتے ہی ریسکیو 1122 کی ٹیم موقع پر پہنچ گئی اور زخمیوں کو ابتدائی طبی امداد دینے کے بعد ڈسٹرکٹ ہیڈ کوارٹر ہسپتال جہلم منتقل کر دیا۔
ریسکیو ذرائع کے مطابق زخمیوں کا تعلق کلیال میرپور سے ہے۔
