جہلم: ضلعی انتظامیہ کی طرف سے ضلع جہلم میں پلاسٹک کے شاپنگ بیگز کے استعمال کو کم کرنے کی خاطر اٹھائے گئے اقدامات پر عملدرآمد نہیں ہو سکا اور مختلف سائز کے پلاسٹک شاپنگ بیگز دوبارہ آزادنہ طور پر فروخت اور استعمال ہو رہے ہیں۔
شہریوں کے مطابق چند ماہ قبل ضلعی انتظامیہ نے پلاسٹک شاپنگ بیگز فروخت کرنے والے تمام دکانداروں کو پابند کیا تھا کہ وہ فقط 2 کلو، 5 کلو اور 10 کلو کے سامان کے حامل شاپنگ بیگز ہی فروخت کریں گے اور ان کی موٹائی بھی 85 مانگرو گرام ہو گی۔
اس اقدام کے بعد ضلعی انتظامیہ کی طرف سے کارروائیاں کئے جانے کے باعث ڈپٹی کمشنر اور اسسٹنٹ ڈائریکٹر ماحولیات کے احکامات کی پاسداری خاصی نظر آئی۔
پلاسٹک شاپنگ بیگز کی مختلف اقسام پھر سے فروخت اور استعمال ہونے لگیں ہیں اور اب صورت حال ماضی کے مصداق ہے جس سے ضلعی انتظامیہ اور محکمہ ماحولیات کی یہ کاوش رائیگاں جاتی دکھائی دے رہی ہے۔
