جہلم پولیس کی بڑی کارروائی، گینگ ریپ کے دو مختلف واقعات میں ملوث پانچ ملزمان کو گرفتار کر لیا۔
تفصیلات کے مطابق دس روز قبل جہلم کی تحصیل پنڈدادنخان میں ملزم معاویہ نے خاتون کو بہانے سے ویران گھر میں لے گیا جہاںگھر میں پہلے سے موجود دو ساتھیوں نے معاویہ سے ملر کر خاتون کو مبینہ زیادتی کا نشانہ بنایا۔
گینگ ریپ کا دوسرا واقعہ پانچ روز قبل جہلم کی تحصیل سوہاوہ میں پیش آیا جہاں ملزم زاہد نے کرایے کا مکان دینے کے بہانے خاتون کو خالی گھر میں لے گیا جہاں ساتھی کے ساتھ مل کر اجتماعی زیادتی کا نشانہ بنایا۔
ترجمان جہلم پولیس کا کہنا ہے دونوں متاثرہ خواتین کی ابتدائی میڈیکل رپورٹ میں زیادتی کی تصدیق ہوئی ہے۔ تمام ملزمان روپوش ہوگئے تھے، سائنٹیفک بنیادوں پر ملزمان کو گرفتار کیا ہے۔
ترجمان کا مزید کہنا ہے کہ ملزمان معاویہ، عبداللہ، معاز علی اور زاہد کو تھانے منتقل کر کے تفتیش شروع کردی گئی ہے۔
