جہلم کے نواحی علاقہ میں دیرینہ رنجش پر 35 سالہ شخص کو دن دیہاڑے فائرنگ کر کے قتل کر دیا گیا، ملزم موقع سے فرار ہو گیا۔
تفصیلات کے مطابق جہلم کے علاقہ چوٹالہ میں دن دیہاڑے 35 سالہ مرزا وقار علی عرف وکی ولد مرزا ذوالفقار کو فائرنگ کر کے قتل کر دیا گیا۔ پولیس ذرائع کے مطابق ملزم عدیل نے دیرینہ رنجش کی بنا پر مقتول کو فائرنگ کا نشانہ بنایا۔
ملزم واردات کے بعد موقع سے فرار ہونے میں کامیاب ہوگیا جبکہ پولیس نے فوراً تحقیقات کا آغاز کر دیا ہے۔ مقتول وقار علی کی لاش کو پوسٹ مارٹم کے لیے سول اسپتال منتقل کر دیا گیا۔
ابتدائی معلومات کے مطابق مقتول کے خاندان کی دیرینہ دشمنی چل رہی تھی تاہم پولیس تمام پہلوؤں پر تحقیقات کر رہی ہے۔
پولیس کا کہنا ہے کہ ملزم عدیل کو جلد گرفتار کر کے قانون کے کٹہرے میں لایا جائے گا۔
@jhelumupdatespk جہلم کے علاقہ چوٹالہ میں افسوسناک واقعہ، دن دیہاڑے 35 سالہ شخص کو فائرنگ کر کے قتل کر دیا گیا #Jhelum #JhelumUpdates #MurderCase #Crime #CrimeNews #PunjabPolice #JhelumPolice #Pakistan #PakistanNews #جہلم #چوٹالہ ♬ original sound – Jhelum Updates
