ملک میں بجلی کی قیمت میں 2 روپے فی یونٹ تک کمی کا امکان ہے۔
سینٹرل پرچیزنگ پاور ایجنسی (سی پی پی اے) نے جنوری کے ماہانہ فیول پرائس ایڈجسٹمنٹ کی مد میں نیپرا سے درخواست کردی ہے۔
توقع ہے کہ بجلی کی قیمت میں فی یونٹ 2 روپے تک کمی کردی جائے گی۔
نیپرا حکام سی پی پی اے کی درخواست پر 27 فروری کو سماعت کرے گی کریں گے جس کے بعد بجلی کی کی قیمت میں کمی سے متعلق حتمی فیصلہ کیا جائے گا۔
درخواست کے مطابق ماہ جنوری میں 7 ارب 81 کروڑ بجلی یونٹ فروخت کی گئی۔ ہائیڈل سے 10 اعشاریہ 63 فیصد اور مقامی کوئلے سے 15 اعشاریہ 56 فیصد بجلی پیدا ہوئی۔
جنوری 2025 کے دوران امپورٹڈ کول سے بجلی کی پیداوار 8 اعشاریہ 53 فیصد رہی۔ ایک ماہ کے دوران فرنس آئل سے 1 اعشاریہ 33 فیصد کی بجلی پیداوار رہی اور ماہ جنوری کے دوران آر ایل این جی سے بجلی کی پیداوار 18 اعشاریہ 92 فیصد رہی۔
