جہلم پولیس کی جانب سے دہشت گردوں، جرائم پیشہ عناصر کی سرکوبی اور اہم تنصیبات کی سیکیورٹی کو فول پروف بنانے کے لیے ضلع بھر میں سپیشل سرچ آپریشنز اور ناکہ بندی کا سلسلہ جاری ہے۔
ضلع کے مختلف علاقوں میں 12 مقامات پر سرچ آپریشنز کیے گئے، جن کے دوران 357 افراد کی جانچ پڑتال کی گئی۔ دورانِ آپریشن شہریوں کی پولیس ایپلی کیشن کے ذریعے تصدیق بھی کی گئی جبکہ شہر کے داخلی و خارجی راستوں پر خصوصی ناکہ بندی کر کے چیکنگ کی گئی۔
ڈی پی او جہلم طارق عزیز سندھو کے مطابق ان سرچ آپریشنز کا مقصد ناجائز اسلحہ، منشیات کی برآمدگی، جرائم پیشہ عناصر اور شرپسندوں کی گرفتاری یقینی بنانا ہے تاکہ سماج دشمن عناصر اپنے مذموم عزائم پر عمل نہ کر سکیں۔
انہوں نے کہا کہ جہلم پولیس عوام کے تحفظ کو یقینی بنانے کے لیے ہر ممکن اقدامات کر رہی ہے اور یہ آپریشنز مستقبل میں بھی جاری رہیں گے۔
