دینہ: پولیس کی بڑی کارروائی، قمار بازی میں ملوث دو ملزمان کو گرفتار کر کے موٹر سائیکل، نقدی، موبائل فونز اور اصیل مرغ برآمد کر لئے گئے۔
تفصیلات کے مطابق جہلم کی تحصیل دینہ میں ایس ایچ او تھانہ دینہ اور ان کی ٹیم نے قمار بازی کے خلاف بڑی کارروائی کرتے ہوئے دو ملزمان کو گرفتار کر لیا۔ گرفتار ہونے والے ملزمان کی شناخت خاور اور گلفام کے نام سے ہوئی ہے۔
پولیس کارروائی کے دوران ملزمان سے ایک عدد موٹر سائیکل، داؤ پر لگی رقم 1700 روپے، چار عدد موبائل فونز، تین عدد اصیل مرغ اور قمار بازی میں استعمال ہونے والے دیگر آلات برآمد کر لیے گئے۔
ملزمان نے اصیل مرغوں کی لڑائی پر جوا کھیل کر قمار بازی کے جرم کا ارتکاب کیا تھا۔ تھانہ دینہ پولیس نے ملزمان کے خلاف انسدادِ قمار بازی ایکٹ کے تحت مقدمہ درج کر کے مزید قانونی کارروائی کا آغاز کر دیا ہے۔
