سوہاوہ پولیس کی بڑی کارروائی کرتے ہوئے اسلحہ کے زور پر شہری کو دھمکیاں دینے اور اغوا کی کوشش کرنے والے دو ملزمان کو گرفتار کر لیا۔
تفصیلات کے مطابق جہلم کی تحصیل سوہاوہ میں تھانہ سوہاوہ پولیس نے جرائم پیشہ عناصر کے خلاف اہم کارروائی کرتے ہوئے اسلحہ کے زور پر جان سے مارنے کی دھمکیاں دینے اور اغوا کی کوشش میں ملوث دو ملزمان کو گرفتار کر لیا۔ گرفتار ملزمان کی شناخت اویس علی اور حارث کے نام سے ہوئی ہے۔
ایس ایچ او تھانہ سوہاوہ کی سربراہی میں تشکیل دی گئی پولیس ٹیم نے بروقت کارروائی کرتے ہوئے ملزمان کو گرفتار کیا۔ پولیس کے مطابق ملزم اویس علی کے قبضے سے ناجائز اسلحہ، 30 بور پسٹل بمعہ ایمونیشن برآمد کر لیا گیا ہے۔
پولیس حکام کا کہنا ہے کہ ملزمان کے خلاف مقدمہ درج کر کے تفتیش مکمل کی جا رہی ہے اور ٹھوس شواہد کی روشنی میں چالان عدالت جمع کرایا جائے گا۔
