جہلم: منشیات کیس میں جرم ثابت ہونے پر منشیات فروش کو قید اور جرمانے کی سزا

جہلم: منشیات کے مقدمہ میں جرم ثابت ہونے پر عدالت نے مجرم کو قید اور جرمانے کی سزا سنا دی۔

ترجمان جہلم پولیس کے مطابق عدالت نے مقدمہ نمبر 555/25 بجرم CNSA 9(i)6B تھانہ صدر جہلم کا فیصلہ سناتے ہوئے مجرم حماد احسن کو 18 ماہ قید اور 15 ہزار روپے جرمانہ کی سزا سنائی۔ ملزم نے سال 2025 میں منشیات فروشی کے جرم کا ارتکاب کیا تھا۔

پولیس کے مطابق ملزم کو ٹریس کر کے گرفتار کیا گیا اور ٹھوس شواہد کے ساتھ چالان عدالت پیش کیا گیا، جبکہ مقدمہ کی مؤثر پیروی کی گئی، جس کے نتیجے میں عدالت نے ملزم کو قرار واقعی سزا سنائی۔

ڈسٹرکٹ پولیس آفیسر جہلم شفیق احمد چوہدری نے کہا ہے کہ منشیات فروش معاشرے کا ناسور ہیں اور ان کے خاتمے کے لیے بھرپور آپریشن جاری رکھا جائے گا۔

ڈی پی او جہلم نے اس کامیاب کارروائی پر انویسٹیگیشن اور لیگل ٹیموں کو شاباش دیتے ہوئے تعریفی سرٹیفکیٹ اور نقد انعام دینے کا بھی اعلان کیا ہے۔