دینہ: پولیس نے اہم کارروائی کرتے ہوئے قتل کے مقدمہ میں مطلوب اشتہاری مجرم کو فرار میں مدد دینے والے ملزم کو گرفتار کر لیا۔
تفصیلات کے مطابق ملزم نے سال 2016 سے قتل کے مقدمہ میں مطلوب اشتہاری مجرم کو بھاگنے میں مدد فراہم کی تھی، جس پر ایس ایچ او تھانہ دینہ اور ان کی ٹیم نے کارروائی کرتے ہوئے ملزم کے خلاف مقدمہ درج کر کے اسے گرفتار کر لیا۔
پولیس حکام کے مطابق گرفتار ملزم سے مزید تفتیش جاری ہے جبکہ جرائم پیشہ عناصر اور ان کے سہولت کاروں کے خلاف کارروائیوں میں مزید تیزی لائی جا رہی ہے۔
ڈی پی او جہلم شفیق احمد چوہدری کا کہنا ہے کہ قانون شکن عناصر اور اشتہاری مجرمان کی معاونت کرنے والوں کے خلاف بلاامتیاز کارروائیاں جاری رہیں گی۔
