پنڈدادنخان میں فوتگی پر آئی شادی شدہ خاتون کو قتل کرنے والا مرکزی ملزم گرفتار کر لیا گیا۔
تفصیلات کے مطابق پنڈدادنخان کے علاقہ جیتی پور میں منڈی بہاؤالدین کی رہائشی شادی شدہ خاتون (ش) کو فائرنگ کر کے قتل کرنے والا مرکزی ملزم غلام رضا کو تھانہ پنڈدادنخان پولیس نے گرفتار کر لیا۔ پولیس نے ملزم سے آلہ قتل کلاشنکوف بھی برآمد کر لی۔
پولیس کا کہنا ہے کہ ملزم نے 9 ماہ قبل بھائی کے گھر فوتگی پر آئی نین رانجھا ضلع منڈی بہاؤالدین کی رہائشی شادی شدہ خاتون کو دیرینہ رنجش پر ساتھیوں کی مدد سے فائرنگ کر کے قتل کردیا تھا۔
پولیس نے یہ بھی کہنا تھا کہ ملزم غلام رضا واردات کے بعد کافی عرصہ سے روپوش تھا، ساِنٹیفک بنیادوں پر ملزم کو ٹریس کر کےگرفتار کیا گیا ہے۔
پنڈدادنخان پولیس نے ملزم غلام رضا کو تھانے منتقل کر کے تفتیش کا عمل شروع کردیا ہے۔
