جہلم: ڈپٹی کمشنر جہلم سیدہ رملہ علی نے کہا ہے کہ عید الاضحی کے موقع پر زائدکرایہ جات وصول کرنے اوراوورلوڈنگ کے خلاف سخت ایکشن لیاجائے، ون ویلنگ، ریسنگ کرنے والوں کو بالکل رعایت نہیں دیں گے۔
انہوں نے ڈسٹرکٹ ٹریفک پلاننگ کے اجلاس سے گفتگو کرتے ہوئے کہا کہ عید کے موقع پر مسافروں کو سہولت فراہم کرنا ضلعی انتظامیہ کی ذمہ داری ہے۔
انہوں نے کہا کہ پٹرولیم مصنوعات کی قیمتوں میں مسلسل کمی کے بعد سرکاری طور پر مقرر کردہ کرایہ جات سے زائد وصول کرنے والے ٹرانسپورٹرز کے خلاف سخت ایکشن لیا جائے جبکہ عید کے موقع پر سڑکوں پر ون ویلنگ کرنے، ریس لگانے والوں کے خلاف چیک پوسٹیں بنا کر پابند سلاسل کیا جائے۔
