سوہاوہ/ پڑی درویزہ: نواحی علاقے چھبر سیداں کی معروف سیاسی شخصیت اور سابق امیدوار برائے چیئرمین یونین کونسل ملک عمران احمد اعوان کے بھائی ملک محمد احسان اچانک حرکتِ قلب بند ہونے سے انتقال کر گئے۔
مرحوم کی عمر 58 سال بتائی گئی ہے۔ مرحوم اپنے پسماندگان میں ایک بیوہ، ایک بیٹا اور چار بیٹیاں سوگوار چھوڑ گئے ہیں۔ سوگواران میں مرحوم کے بھائی ملک محمد عرفان اور ملک محمد عثمان بھی شامل ہیں۔
مرحوم کی نمازِ جنازہ چھبر سیداں کے قبرستان میں ادا کی گئی، جس کی امامت سجادہ نشین دربارِ عالیہ چھبر سیداں پیر سید غلام علی شاہ نے کی۔ نمازِ جنازہ میں علاقے بھر کی سیاسی و سماجی شخصیات، عزیز و اقارب اور اہلِ علاقہ کی بڑی تعداد نے شرکت کی اور مرحوم کے اہلِ خانہ سے اظہارِ تعزیت کیا۔


