سوہاوہ: پیپلز پارٹی ضلع جہلم کے جنرل سیکرٹری اور سابق امیدوار برائے ایم پی اے مرزا عبدالغفار نے انگلینڈ کے دورے سے واپسی پر ڈومیلی کا دورہ کیا، جہاں انہوں نے مختلف شخصیات کے انتقال پر فاتحہ خوانی کی اور لواحقین سے اظہارِ افسوس کیا۔
مرزا عبدالغفار نے پاکستان پیپلز پارٹی کے دیرینہ ورکر شیخ ساجد کے گھر جا کر ان کے بھائی شیخ اسماعیل کے انتقال پر فاتحہ خوانی کی اور اہل خانہ سے دلی ہمدردی کا اظہار کیا۔ اس موقع پر مرزا عبدالغفار کے ہمراہ چوہدری محمد جاوید گجر، شوکت علی مغل اور فاروق بزمی بھی موجود تھے۔
بعد ازاں انہوں نے جنرل سیکرٹری فاروق بزمی کے بھائی عبدالحمید نظامی کی وفات پر بھی فاتحہ خوانی کی۔ اس کے بعد جھنگ چک میں پیپلز پارٹی تحصیل کے صدر چوہدری محمد جاوید گجر، تحصیل جنرل سیکرٹری شوکت علی مغل اور ڈومیلی کے صدر فاروق بزمی کے ہمراہ چوہدری رخسار احمد کے ساتھ حاجی محمود کے بھائی کے انتقال پر ان کے گھر جا کر تعزیت کی اور اہل خانہ سے اظہارِ افسوس کیا۔
دورے کے دوران مرزا عبدالغفار نے علاقے کے دیگر لوگوں سے بھی ملاقاتیں کیں اور ان کی خیریت دریافت کی۔ علاقہ مکینوں نے ان کی آمد کو سراہتے ہوئے نیک تمناؤں کا اظہار کیا۔
