جہلم: مہنگائی کے ساتھ گراں فروشی نے خریداروں کی چیخیں نکلوا دیں، پرچون سطح پر کسی بھی بازار میں سبزیاں اور پھل سرکاری نرخوں کے مطابق دستیاب نہیں۔
گزشتہ روز بھی سرکاری نرخنامے میں آٹا ،دال مسور ،سرخ مرچ ،چینی،بناسپتی گھی،سفید چنوں کے نرخ جاری نہ کئے گئے اور دکانداروں نے درجہ دوم اور سوئم کی اشیاء اول کے نام پر فروخت کیں۔
سرکاری نرخ نامے میں آلو کا نرخ 86روپے مقرر کر رکھا تھا تاہم دکاندار 120 میں فروخت کرتے رہے۔
پیا ز138کی بجائے170، ٹماٹر درجہ اول110کی بجائے150، لہسن دیسی370کی بجائے400 ،لہسن چائینہ500کی بجائے550،ادرک تھائی لینڈ590کی بجائے700،کھیرا فارمی110کی بجائے130،بینگن80کی بجائے90،بند گوبھی155کی بجائے190،پھول گوبھی130کی بجائے150،شملہ مرچ65روپے کی بجائے110،بھنڈی85روپے کی بجائے110روپے فروخت کی گئیں۔
