جہلم میں بھی شدید سردی اور دھند کاراج، کاروبار زندگی بری طرح مفلوج ہو کر رہ گئے۔
علی الصبح شدید دھند کے باعث شہری اپنے گھروں میں محصور ہو کر رہ گئے، خشک سردی کی لہر میں شدت کی وجہ سے خصوصاً بچے اور بڑے نزلہ زکام بخار و دیگر بیماریوں میں مبتلا ہونا شروع ہو گئے ہیں۔
دوسری جانب جی ٹی روڈ پر دھند کے باعث دینہ کے مقام پر ایف بی آر کا 23 سالہ ملازم تیز رفتار ٹرک کی زد میں آکر جان کی بازی ہار گیا۔ ایف بی آر کا ملازم دینہ سے منگلا جا رہا تھا کہ تیز رفتار ٹرک نے 23 سالہ نوجوان کو کچل ڈالا جوموقع پر جان کی بازی ہار گیا۔
دوسری جانب موٹر وے پولیس نے ڈرائیورز کو خبردار کیا ہے کہ دھند کے باعث گاڑیوں کی رفتار انتہائی کم رکھیں ، گاڑیوں پر فوگ لائٹس کا استعمال کریں اور گاڑیوں میں مناسب فاصلہ رکھیں تاکہ حادثات سے بچا جا سکے ۔ شہری غیر ضروری سفر سے گریز کریں۔
