مصروف دنیا میں آپ کی روزمرہ کی زندگی میں زیادہ حرکت آپ کی زندگی طویل کرسکتی ہے۔
برٹش جرنل آف اسپورٹس میڈیسن میں شائع ہونے والی ایک نئی تحقیق کے مطابق جسمانی طور پر زیادہ فعال ہونا آپ کی زندگی کو کم از کم پانچ سال تک بڑھا سکتا ہے۔
مطالعے کی سینئر مصنف اور صحت عامہ کے پروفیسر ڈاکٹر لینرٹ ویرمین نے کہا کہ مجھے یہ جان کر حیرت ہوئی کہ امریکا میں جسمانی سرگرمی کی کم سطح کی وجہ سے عمر کا نقصان تمباکو نوشی اور ہائی بلڈ پریشر کی وجہ سے ہونے والے نقصانات کا مقابل ہے۔
اس سے قبل 2019 کی ایک تحقیق میں بتایا گیا تھا کہ جلد موت کا خطرہ زیادہ جسمانی سرگرمی والے افراد میں کم ہوتا ہے۔ مطالعے میں شرکا کی سرگرمی کی سطح کو ایکسلرومیٹر سے ماپا گیا۔
ویرمین نے کہا کہ 2019 کا مطالعہ دیگر کے ساتھ مل کر پہلے ہی ظاہر کر چکا ہے کہ جسمانی سرگرمی اور جلد موت کے درمیان تعلق سروے میں تقریباً دو گنا زیادہ مضبوط پایا گیا ہے۔
