دینہ: ٹریفک پولیس کی ماہ دسمبر کی شاندار کارکردگی رپورٹ جاری، 452 چالان کر کے 5 لاکھ روپے قومی خزانے میں جمع کروا دیے۔
تفصیل کے مطابق ٹریفک پولیس دینہ نے ماہ دسمبر میں شاندار کارکردگی کا مظاہرہ کرتے ہوئے 452 چالان کر کے 5 لاکھ روپے قومی خزانے میں جمع کروائے۔ یہ کارروائیاں ایڈیشنل آئی جی ٹریفک پولیس اور ڈی پی او جہلم کے احکامات کی روشنی میں، ڈی ایس پی ٹریفک پولیس جہلم طارق شفیع کی زیر نگرانی کی گئیں۔
انچارج ٹریفک پولیس دینہ سب انسپکٹر مرزا نعمان فاروقی نے بتایا کہ انہوں نے ٹریفک قوانین کی خلاف ورزی کرنے والوں کے خلاف سخت کارروائی کی اور دھواں چھوڑنے والی گاڑیوں، کم عمر ڈرائیوروں، بغیر نمبر پلیٹ موٹر سائیکلوں اور ٹریفک کے بہاؤ میں خلل پیدا کرنے والوں کے خلاف ایکشن لیا۔
انہوں نے کہا کہ قانون کی خلاف ورزی کرنے والوں کے ساتھ کسی قسم کی رعایت نہیں برتی جائے گی اور ان کے خلاف سخت اقدامات جاری رکھے جائیں گے۔
