میکسیکو میں بیٹی کو بچانے کی کوشش میں ماں شارک کے حملے میں ہلاک

میکسیکو سٹی: میکسکو کے ساحل پر ماریا فرنانڈیز مارٹنیج جمنیز نامی خاتون شارک کے حملے میں ٹانگ گنوانے کے بعد دوران علاج زخمیوں کی تاب نہ لاتے ہوئے ہلاک ہوگئیں۔

عالمی خبر رساں ادارے کے مطابق یہ حادثہ میکسیکو میں مانزانیلو کی بندرگاہ پر اُس وقت پیش آیا جب 26 سالہ خاتون اپنی 5 سالہ بیٹی کے ہمراہ تیراکی کر رہی تھیں۔

اچانک وہاں ایک شارک آگئی اور حملے کے لیے آگے بڑھی۔ ماں نے خطرہ بھانپتے ہوئے بچی کو آگے دھکیل کر بوٹ پر چڑھانے کی کوشش کی اور اس دوران خود شارک کا شکار بن گئی۔

شارک نے خاتون کی ٹانگ چبالی جس کے باعث کافی خون بہہ گیا۔ خاتون کو شدید زخمی حالت میں قریبی اسپتال منتقل کیا گیا جہاں ڈاکٹرز انھیں بچانے میں کامیاب نہ ہوسکے۔

بلدیاتی حکومت نے شہریوں کی حفاظت کے پیش نظر ساحل پر نہانے پر پابندی عائد کردی۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button