اوسلو: تحریک کشمیر ناروے کے زیر اہتمام کشمیریوں کے حق خودارادیت کے حوالے سے سیمینار کا انعقاد کیا گیا۔
تقریب کی مہمان خصوصی سفیر پاکستان سعدیہ الطاف قاضی تھیں۔ تقریب میں سیاسی، سماجی، مذہبی رہنماؤں سمیت کمیونٹی شخصیات سمیت سفارت خانہ پاکستان کےویلفیئر کمیونٹی قونصلر آصف حمید، سینئر افسر محمد ناصر نے بھی شرکت کی۔
سفیر پاکستان سعدیہ الطاف قاضی کا کہنا تھا کہ اقوام متحدہ کی سلامتی کونسل نے 1949میں 5جنوری کے روز قرارداد منظور کی تھی جس کے مطابق کشمیریوں کو یہ حق دیا گیا تھا کہ وہ اپنی مرضی کے مطابق مستقبل کا فیصلہ کرسکتے ہیں، اس لیےاس دن کی یاد میں دنیا بھر میں کشمیری ہر سال 5 جنوری کو یوم حق خود ارادیت مناتے ہیں اورحکومت پاکستان پہلے بھی کشمیریوں کے حق خودارادیت کیلئے دنیا کے ہر پلیٹ فارم پر آواز اٹھاتی رہی ہے اور آج بھی کشمیریوں کو اقوام متحدہ کی قراردادوں کے مطابق ان کے حقوق کی بات کر تی ہے۔
سعدیہ الطاف قاضی نے کہا کہ غزہ میں اسرائیلی مظالم کے خلاف دنیابھر میں احتجاج کئے جا رہے ہیں۔تقریب میں تحریک کشمیر ناروے اور پاکستانی کمیونٹی کی کشمیر کے حوالے سے تقریبات اور کشمیریوں پر ہونے والے ظلم و ستم کے خلاف خلاف آواز اٹھانے اور میڈیا کوریج کے حوالے سے صحافیوں کو تعریفی سرٹیفکیٹ دیئے گئے۔
تقریب کے پہلے مرحلہ میں تحریک کشمیر ناروے کی حلف برداری تقریب ہوئی جس میں شاہ حسین کاظمی 2024 اور 2025 کیلئے صدر منتخب ہوئے جب کہ تنظیم کے دیگر عہدیداران ایک سال یعنی 2024کیلئے منتخب ہوئے۔ ان سے تحریک کشمیر یورپ کے جنرل سیکرٹری میاں محمد طیب نے حلف لیا۔
دیگر عہدیداران میں حاجی محمد افضال سینئر نائب صدر ،راجہ مقبول حسین نائب صدر،حاجی محمد ناصرجنرل سیکرٹری ،ملک حمزہ سلطان اعوان جوائنٹ سیکرٹری، مظہر حسین معاون پروگرام کمیٹی، رفاقت علی معاون خصوصی،ظہیر علی انچارج پرو گرام کمیٹی، شاہدجمیل آرگنائزر ایڈیٹوریل فورم ،محمد صادق انچارج اردو میڈیا، عاطف اسلم انچارج نورشک میڈیا، ناہید اسلم انچارج آئی ٹی، انعام الحق سیٹھی انچارج سوشل میڈیا شامل ہیں۔
تقریب میں پاکستان مسلم لیگ (ن )ناروے کے صدر شاہد تنویر، نزیرخالد بٹ ،پاکستان پیپلز پارٹی ناروے کے سیکرٹری جنرل علی اصغر شاہد، غلام سرور، فرینڈز اف پاک ناروے کے صدر راجہ مدثر ،بہادر خان، چوہدری ناظم، ڈاکٹر ارشد سلطان، محمداحمد، راشد سلطان، چوہدری منشاخان، چوہدری نظر خان، اطہر علی،فلسطین کمیٹی کے سربراہ رانا عیسیٰ، مورخ یورنیورسٹی اوسلو میں مشرق وسطیٰ پر تحقیق کار اور دیگر نے خطاب اور شرکت کی۔
تقریب کے آخر میں سلیم رضا نے کشمیر فلسطین وغزہ سمیت پوری ملت اسلامیہ کیلئے دعا کی۔
