جہلم: ڈسٹرکٹ پولیس آفیسر جہلم طارق عزیز سندھو کی ہدایت پر ضلع بھر میں سپیشل سرچ آپریشنز اور ناکہ بندی کی گئی۔
مختلف تھانوں کی حدود میں 10 مقامات پر سرچ آپریشنز کے دوران مجموعی طور پر 324 افراد کی شناخت کی گئی، جن کی پولیس ایپلی کیشن کے ذریعے ویری فکیشن کی گئی۔
ڈی پی او جہلم کے مطابق یہ کارروائیاں دہشت گردوں اور جرائم پیشہ عناصر کی سرکوبی، اور اہم تنصیبات کی فول پروف سیکیورٹی یقینی بنانے کے لیے عمل میں لائی گئیں۔ سرچ آپریشنز کے دوران شہر کے داخلی و خارجی راستوں پر ناکہ بندی کر کے مشکوک افراد و گاڑیوں کی چیکنگ کی گئی۔
ان اقدامات کا مقصد غیرقانونی اسلحہ و منشیات کی برآمدگی، سماج دشمن عناصر کی گرفتاری، اور شرپسندوں کو کسی بھی قسم کی مذموم سرگرمیوں سے باز رکھنا ہے۔
ڈی پی او طارق عزیز سندھو نے واضح کیا کہ جہلم پولیس شہریوں کی جان و مال کے تحفظ کیلئے ہر ممکن اقدام کر رہی ہے، اور عوام کے تعاون سے ہی مکمل امن قائم کیا جا سکتا ہے۔
