پنڈدادنخان میں 15 سالہ لڑکے کو اجتماعی بدفعلی کا نشانہ بنانے اور 12 سالہ لڑکے کے سارتھ نازیبا حرکات کرنے والے ملزمان گرفتار کر لئے گئے۔
تفصیلات کے مطابق ڈی پی او جہلم طارق عزیز سندھو کی ہدایت پر جہلم کی تحصیل پنڈدادنخان میں ایس ایچ او تھانہ پنڈ دادنخان اور ٹیم کی کارروائی کرتے ہوئے 15 سالہ لڑکے کے ساتھ اجتماعی جنسی زیادتی کے مقدمہ میں ملوث 2 ملزمان کو گرفتار کر لیا۔
مدعی مقدمہ کے مطابق ملزمان نے اسے بلیک میل کر کے بدفعلی کا نشانہ بنایا ہے، پولیس نے مقدمہ درج کر لیا۔
تھانہ پنڈ دادنخان پولیس نے ایک اور کارروائی کرتے ہوئے 12 سالہ لڑکے کے ساتھ نازیبا حرکات کرنے والے ملزم کو گرفتار کر لیا۔ مدعی مقدمہ کے مطابق ملزم نے اس کے بیٹے کے ساتھ نازیبا حرکات کیں۔ پولیس نے ملزم کے خلاف مقدمہ درج کر لیا۔
پولیس کا کہنا ہے کہ ملزمان کو ٹھوس شواہد کے ساتھ چالان عدالت کیا جائے گا اور قرار واقعی سزا دلوائی جائے گی۔
