پنڈدادنخان: خواتین کی طرف سے بلدیاتی مسائل کی نشاندہی نہ صرف اہم ہو گی بلکہ انہیں حل کرنے میں بھی معاون ہو گی۔
ان خیالات کا اظہار سابق چیئرمین میونسپل کمیٹی کھیوڑہ ملک فیصل نے سنگت ڈویلپمنٹ فاؤنڈیشن کے ایک پروجیکٹ کے افتتاحی اجلاس میں خطاب کے دوران کیا۔ میونسپل کمیٹی کھیوڑہ میں سنگت ڈویلپمنٹ فاؤنڈیشن نے اپنے توسیعی پراجیکٹ "بولو اور بڑھو” (مقامی حکومتوں میں بہتر شرکت کے لیے خواتین کو متحرک کرنا) کے تعارفی اجلاس کا انعقاد کیا۔
اس پروجیکٹ کےلئے جرمن ادارہ جی آئی زیڈ کی مدد حاصل ہے۔ افتتاحی اجلاس میں اسسٹنٹ چیف آفیسرز میونسپل کھیوڑہ نے خصوصی شرکت کی۔
زاہد اسلام ایگزیکٹو ڈائریکٹر نے سابقہ پراجیکٹ کی کامیابیوں بارے آگاہ کیا اور نئے پراجیکٹ کے مقاصد پیش کرتے ہوئے کہا کہ یہ پروجیکٹ دراصل خواتین کو قومی دھارے میں لانے کی عملی کوشش ہے کہ جس کے نتیجے میں خواتین کو بلدیاتی مسائل کی نشاندہی اور انکے حل کےلئے متحرک ہو نگی، جس سے میونسپل سروسز کی فراہمی میں بہتری ممکن ہو گی۔
پراجیکٹ سرگرمیوں بارے مزید بریف کرتے ہوئے کہا کہ خاتون سہولت مرکز کا قیام ایک اہم ہدف ہے، خاتون سہولت مرکز میں خواتین سٹاف ہی شکایات کنندگان کی نہ صرف شکایات درج کریں گی بلکہ دیگر متعلقہ اداروں شے متعلق معلومات و رہنمائی بھی فراہم کریں گے۔
پروگرام آفیسر افشاں نازلی نے پراجیکٹ میں خواتین کھلی کچہریوں اور یوتھ انٹرن شپ پروگرام بارے آگاہ کیا۔
افتتاحی اجلاس میں حاجی سلیمان اسسٹنٹ چیف آفیسر کھیوڑہ، شازیہ پروین جنرل کونسلر، درہ ایمن انچارج ویمن کالج، عقیلہ بتول ایجوکیشن ڈیپارٹمنٹ، طاہرہ شبیر ہیلتھ ڈیپارٹمنٹ، وجیہ کنول ایڈووکیٹ، انیب ندیم وکیل ہائی کورٹ، ملک فیصل سابق چیئرمین میونسپل کمیٹی کھیوڑہ، پروفیسر نیاز اعوان، ملک محمد رمضان کھوکھر، بشیر کھوکھر شریک ہوئے۔
ٹیم سنگت ڈویلپمنٹ فاؤنڈیشن سے زاہد اسلام ایگزیکٹو ڈائریکٹر، افشاں نازلی پروگرام آفیسر، عالیہ ممتازآئی ٹی ایکسپرٹ، ردہ جونیئر پروگرام آفیسر سنگت، حرا عروج ، عنبرین فاطمہ گورنینس ایڈووکیسی آفیسر بھی افتتاحی اجلاس میں موجود تھے۔
