جہلم: رواں سال کی چوتھی پولیو مہم 16 دسمبر کو شروع ہو گی جس میں دو لاکھ سے زائد بچوں کو ویکسین پلائی جائے گی، تمام تیاریاں مکمل کر لی گئی ہیں۔
یہ بات ڈپٹی کمشنر جہلم میثم عباس کی زیر صدارت اجلاس میں محکمہ صحت کے افسران نے بتائی۔ اجلاس میں محکمہ صحت، تعلیم، پولیس، ٹریفک پولیس، موٹر وے پولیس اور دیگر محکموں نے شرکت کی اور ڈی سی جہلم کو پولیو مہم کے حوالے سے تیاریوں سے آگاہ کیا۔
ڈپٹی کمشنر جہلم میثم عباس نے ہدایت کی کہ سال کی اس آخری پولیو مہم کو ہر لحاظ سے کامیاب بنانے کیلئے ہنگامی اقدامات کیے جائیں گے اور کسی ایک بھی بچے کو پولیو ویکسین سے محروم نہیں رہنے دیں گے۔
