مانچسٹر: برطانوی حکومت کی طرف سے غیر قانونی تارکین وطن کا داخلہ روکنے کیلئے کئے جانے والے تمام اقدامات کے باوجود غیر قانونی مہاجرین کی یلغار نہ روکی جا سکی ۔
رواں سال اب تک 25ہزار سے زائد غیر قانونی مہاجرین چھوٹی کشتیو ں کے ذریعے چینل عبور کر چکے ہیں، 1ہزار سے زائد غیر قانونی مہاجرین نے گزشتہ صرف تین دن میں 19ڈنگیوں کے ذریعے خطرناک سفر کیا، اب تک مجموعی طور 533 کشتیوں میں25ہزار 382افراد نے چینل عبور کیا۔
فرانسیسی ریسکیو جہاز سے لی گئی ا تصاویر میں تارکین وطن کے ایک گروپ کو شمالی فرانس کے ساحل سے نکلتے ہوئے دکھایا گیا ہےسیکرٹری داخلہ سویلا بریورمین سے توقع ہے کہ وہ مانچسٹر میں ہونے والی پارٹی کانفرنس میں اپنی کلیدی تقریر کے دوران امیگریشن کو روکنے کے اپنے عہد پرپختہ ہو جائیں گی ۔
ہوم آفس نے اس بات کا اعادہ کیا کہ کراسنگ کرنے والے لوگوں کی ناقابل قبول تعداد ہمارے سیاسی پناہ کے نظام پر غیر معمولی دباؤ ڈال رہی ہے، اس کی ترجیح کشتیوں کو روکناہے۔
وزیر اعظم رشی سوناک نے کراسنگ کو روکنے کو اس سال کے اہم وعدوں میں سے ایک قرار دیا ہے۔
لیبر نے کہا کہ رشی سوناک کے وزیر اعظم بننے کے بعد سے اب تک 32956لوگ کراسنگ کر چکے ہیں۔
شیڈو امیگریشن منسٹر سٹیفن کنوک نے اس اعداد و شمار کا موازنہ بورس جانسن کی پریمیئر شپ سے کرتے ہوئے کیا ۔انہوں نے کہا کہ رشی سوناک نے برطانوی عوام سے وعدہ کیا تھا کہ وہ چھوٹی کشتیوں کو روکیں گے۔
