پنڈدادنخان: پٹرولیم مصنوعات میں کمی کے باوجود پنڈدادنخان میں کرایوں میں کمی نہ کرنے والوں کے خلاف گھیرا تنگ، زائد کرایہ وصول کرنے والے ٹرانسپورٹرز کو بھاری جرمانے کئے۔
تفصیلات کے مطابق اسسٹنٹ کمشنر پنڈدادنخان حلیمہ منیر نے مختلف مقامات پر گاڑیوں کی چیکنگ کی اور مسافروں سے کرایوں کے متعلق دریافت کیا، زائد کرایہ وصول کرنے والے ٹرانسپورٹرز کو بھاری جرمانے کئے۔
اس موقع پر اسسٹنٹ کمشنر حلیمہ منیر کا کہنا تھا کہ پٹرولیم مصنوعات کی قیمتوں میں کمی کے بعد کرایوں میں کمی کا فائدہ عوام کو پہنچانے کے لیے تمام اقدامات کیے جائیں گے، عوام کو لوٹنے کی کسی کو اجازت نہیں دی جائے گی، عوام زائد کرایہ وصول کرنے والوں کے خلاف انتظامیہ کو آگاہ کریں۔
