لندن: پاکستان قونصلیٹ جنرل، برمنگھم میں پاسپورٹ سسٹم میں تعطل پر ہائی کمشنر ڈاکٹر محمد فیصل نے اہم فیصلہ کرتے ہوئے لندن، مانچسٹر، گلاسگو اور بریڈفورڈ میں پاسپورٹ درخواست وصولیوں کے یومیہ کوٹہ میں 20فیصد اضافہ کر دیا ہے۔
عازمین حج اور 60 سال سے زائد عمر کے افراد اکوپوائنٹمنٹ سے مستثنیٰ قراردے دیا گیا برمنگھم قونصلیٹ میں پاسپورٹ سروس میں تکنیکی خرابی کے پیش نظر عوام کی سہولت کے لیے کیا گیا ایم آر پی سسٹم میں تکنیکی خرابی کے باعث برمنگھم میں پاکستان قونصلیٹ میں مشین ریڈ ایبل پاسپورٹ (MRP) سروس بدستور معطل ہے۔
درخواستوں کے بہاؤ کا رخ پاکستان ہائی کمیشن لندن اور دیگر قونصل خانوں کی طرف موڑ دیا گیا ہے عبوری طور پر، برٹش پاکستانیوں کی سہولت خاص طور پر حج کے خواہشمند افراد کے لیے ہائی کمشنر ڈاکٹر محمد فیصل نے فوری طور پر احکامات جاری کیے ہیں ان احکامات کے مطابق حج کے خواہشمند تمام درخواست دہندگان جو حج کے دستاویزات پیش کر سکتے ہیں، کو برطانیہ میں پاکستان کے تمام مشنز میں اپوائنٹمنٹ کے بغیر سہولت فراہم کی جائے گی۔
60 سال سے زیادہ عمر کے تمام افراد کو برطانیہ میں پاکستان کے تمام مشنز میں ان کے پاسپورٹ کی پروسیسنگ کے لیے اپوائنٹمنٹ کے بغیر سہولت فراہم کی جائے گی۔ برطانیہ میں پاکستان کے تمام مشنز پر پاسپورٹ کی پروسیسنگ کے لیے روزانہ اپوائنٹمنٹس کی تعداد میں 20 فیصد اضافہ کیا گیا ہے۔
برمنگھم میں پاکستان کے قونصلیٹ جنرل کے نظام کو جلد از جلد درست کرنے کی ہر ممکن کوشش کی جا رہی ہے۔ پاسپورٹ کے خواہشمند افراد سےکہا گیا ہے کہ وہ متعلقہ مشنز سے رابطہ کریں۔
