نیویارک کی سیوریج لائنوں سے بہنے والا سبز مائع کیا ہے

امریکا کے شہر نیو یارک سٹی میں ایک عجیب اور پراسرار واقعہ نے سپر ہیرو کامکس کے مناظر کو سچ کردکھایا، جیسے کہ گوتھم شہر کے مختلف مقامات پر نالیوں اور مین ہولز سے سبز ریڈیو ایکٹیو کیچڑ نکل رہی ہو۔

مین ہیٹن سے تعلق رکھنے والے ایک سوشل میڈیا صارف نے اس عجیب و غریب واقعے کی طرف توجہ مبذول کرائی، انہوں نے شہر کے فٹ پاتھوں کے نیچے سے نکلنے والے چمکیلے سبز رنگت والے مائع کی تصاویر اور ویڈیوز شیئر کیں۔

ڈین پینٹیلو نے اس غیر معمولی نظارے کی تصاویر شئیر کرتے ہوئے لکھا، ’اس وقت ورلڈ ٹریڈ سینٹر کے ساتھ ہی زمین سے سبز رنگ کا کیچڑ نکل رہا ہے۔‘

So there’s literal green sludge bubbling up from the ground next to World Trade Center right now pic.twitter.com/VF7mErx0PH

— Dan Pantelo (@danpantelo) November 2, 2023

ان کی یہ پوسٹ تیزی سے وائرل ہوئی اور 25 ملین سے زیادہ تبصرے کیے گئے۔

اس غیر حقیقی منظر نے بہت سے لوگوں کو بیٹ مین کامکس کا حوالہ دینے اور 1990 کی دہائی کے مشہور ”ٹین ایج میوٹنٹ ننجا ٹرٹلز“ سے وابستہ سبز رنگ کو یاد کرنے پر مجبور کردیا۔

Love this comic pic.twitter.com/fVdkkiozf7

— TimTam🍫 (@CandymanTimTam) November 3, 2023

لیکن حقیقت کچھ اور تھی۔ دراصل نہ تو نیویارک سٹی کسی خطرے میں ہے، اور نہ ہی بیٹ مین کو آکر شہریوں کو بچانے کی ضرورت ہے۔

اس سبز کیچڑ کے بارے میں کچھ وضاحت فراہم کرنے کی کوشش میں ”ایکس“ ماڈریٹرز نے پوسٹ کے ساتھ ”سیاق و سباق“ کا باکس منسلک کیا۔ جس میں وضاحت کی گئی کہ سبز مادہ دراصل سبز رنگ ملا پانی ہے، جسے عام طور پر پلمبرز پلمبنگ اور سیوریج سسٹم میں لیک کا پتہ لگانے کے لیے استعمال کرتے ہیں۔