دور دراز علاقوں میں طبی سہولیات کیلئے ہیلتھ سینٹرز کا کردار بہت اہم ہے، ڈپٹی کمشنر جہلم

جہلم: دور دراز علاقوں میں طبی سہولیات کیلئے ہیلتھ سینٹر ز کا کردار بہت اہم ہے، دیہی علاقوں میں ہیلتھ سینٹرز پر جدید طبی سہولیات کی فراہمی ضروری ہے۔

یہ بات ڈی سی جہلم کیپٹن (ر) سمیع اللہ فاروق نے ڈومیلی کے قریب موضع کوہالی میں واقع ہیلتھ سینٹر کا دورہ کرتے ہوئے کہی۔ انہوں نے ہیلتھ سینٹر میں دستیاب سہولیات بارے آگاہی حاصل کی اور مریضوں سے ملاقات کرتے ہوئے ان کی رائے اور شکایات کا جائزہ لیا۔

ڈپٹی کمشنر جہلم کیپٹن (ر) سمیع اللہ فاروق نے ہیلتھ سینٹر عملہ کی کارکردگی پر اطمینان کا اظہار کرتے ہوئے مزید بہتر بنانے کی ہدایت کی۔

انہوں نے کہا کہ ہیلتھ سینٹرز دیہی علاقوں میں بہت اہم حیثیت رکھتے ہیں جو مقامی سطح پر صحت کی بنیادی سہولیات فراہم کرنے میں بہت اہم کردار ادا کررہے ہیں۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button