دینہ: ڈاکٹر ملک عدیل افتخار اعوان نے کہا کہ سردیوں کے موسم میں جسم کو گرم رکھنے کے لیے حرارت اور توانائی دونوں کی ضرورت ہوتی ہے۔
چائلڈ سپیشلسٹ ڈاکٹر ملک عدیل افتخار اعوان نے والدین کو متوازن خوراک اپنانے کی اہمیت پر زور دیتے ہوئے کہا کہ اگر خوراک متوازن ہو—یعنی اس میں پروٹین، فائبر، کاربوہائیڈریٹس اور صحت مند چکنائیاں شامل ہوں—تو جسم مضبوط رہتا ہے اور قوتِ مدافعت بہتر ہوتی ہے۔
ان کا کہنا ہے کہ گوشت اور انڈے پروٹین کا بہترین ذریعہ ہیں، جو خلیوں کی مرمت کرتے اور مدافعتی نظام کو مضبوط بناتے ہیں۔ سبزیاں اور پھل فائبر، وٹامنز اور معدنیات فراہم کرتے ہیں، جو سردیوں میں بچوں کو بیماریوں سے بچانے میں مددگار ثابت ہوتے ہیں۔
ڈاکٹر عدیل افتخار نے کہا کہ سردیوں میں ڈرائی فروٹس کا استعمال لازمی کرنا چاہیے، کیونکہ یہ صحت مند چکنائیاں فراہم کرتے ہیں اور جسم میں سوزش کم کرنے میں معاون ہیں۔ روٹی، چاول اور دودھ جسم کی بنیادی توانائی کا ذریعہ ہیں؛ ان کا مکمل ترک کرنا نقصان دہ ہے۔ مناسب مقدار میں استعمال جسمانی توازن برقرار رکھتا ہے۔
انہوں نے مزید کہا کہ متوازن خوراک صرف پیٹ بھرنے کا نام نہیں بلکہ یہ جسم اور ذہن دونوں کو متوازن رکھنے کا راز ہے—اور یہی توازن سردیوں میں سب سے بڑی ضرورت ہے۔ والدین کو چاہیے کہ بچوں کی غذاؤں میں احتیاط برتیں، کیونکہ معمولی غفلت بھی بچوں کو موذی امراض میں مبتلا کر سکتی ہے۔
یاد رہے کہ ڈاکٹر ملک عدیل افتخار اعوان (چائلڈ اسپیشلسٹ) روزانہ سہ پہر 3 بجے سے 5 بجے تک بچوں کے چیک اپ کے لیے عدیل کلینک نزد مرکزی جامعہ مسجد و میزان بینک مین چوک جی ٹی روڈ دینہ پر دستیاب ہوتے ہیں۔
