جہلم: پولیس کی بروقت اور مؤثر کارروائی کے دوران ڈکیتی کے مقدمہ میں ملوث ملزم کو گرفتار کر کے چھینی گئی رقم، واردات میں استعمال ہونے والی موٹر سائیکل اور ناجائز اسلحہ برآمد کر لیا گیا ہے۔
تفصیلات کے مطابق جہلم میں ایس ایچ او تھانہ کالا گجراں اور ان کی ٹیم نے ایک مربوط کارروائی کے دوران ملزم کو گرفتار کیا۔ ملزم کے قبضے سے چھینی گئی رقم 06 ہزار روپے، چوری شدہ موٹر سائیکل اور 30 بور پسٹل معہ ایمونیشن برآمد کی گئی۔
پولیس حکام نے بتایا کہ گرفتار ملزم کے خلاف تمام ٹھوس شواہد عدالت میں پیش کیے جائیں گے اور جرم ثابت ہونے پر اسے قرار واقعی سزا دلائی جائے گی۔ ڈسٹرکٹ پولیس آفیسر جہلم طارق عزیز سندھو نے کہا کہ شہریوں کو ان کے قیمتی اثاثوں سے محروم کرنے والے ملزمان کسی رعایت کے مستحق نہیں ہیں اور پولیس اس سلسلے میں ہر ممکن کارروائی جاری رکھے گی۔
