سوہاوہ میں تیز رفتار کار فٹ پاتھ سے ٹکرا گئی، 55 سالہ کار سوار جاں بحق

سوہاوہ میں جی ٹی روڈ مسہ کسوال کے قریب ایک افسوسناک حادثہ پیش آیا، جس میں ایک کار فٹ پاتھ سے ٹکرا گئی۔

ریسکیو ذرائع کے مطابق حادثے میں 55 سالہ کار سوار مشتاق احمد ولد محمد اشرف موقع پر ہی جاں بحق ہو گئے۔ جاں بحق ہونے والے شخص کا تعلق شیخوپورہ سے بتایا جاتا ہے۔

ریسکیو ذرائع کے مطابق حادثہ تیز رفتاری کے باعث پیش آیا۔ حادثے کی اطلاع ملتے ہی ریسکیو ٹیمیں جائے حادثہ پر پہنچ گئیں اور ڈیڈ باڈی کو ہسپتال منتقل کر دیا۔