پیپلز پارٹی کی انتخابی مہم جہلم کے حلقوں این اے 60 اور پی پی 24 میں زوروں پر

پڑی درویزہ: پاکستان پیپلز پارٹی کی انتخابی مہم حلقہ پی پی 24اور این اے 60جہلم میں زوروں پر، یونین کونسل پھلڑے سیداں کے گاؤں ٹبی سیداں نے عوام رابطہ مہم کا آغاز کیا گیا اور اب پڑی درویزہ ، دئیوال میں اختتام پذیر ہونے والی ہے ۔

تفصیلات کے مطابق ضلع جہلم کے صوبائی حلقہ پی پی 24جو تحصیل صدر مقام سوہاوہ تھانہ ڈومیلی بشمول تحصیل دینہ کی ۹ یونین کونسلوں پر مشتمل ہے ۔ یہاں پی پی کے نامزد کردہ امیدوار پی پی پی کے دیرنیہ نظریاتی کارکن مرزا عبدالغفار کو دوسری مرتبہ امیدوار نامز د کیا گیا ہے ۔

اسی طرح یہ علاقہ قومی اسمبلی کے حلقہ این اے 60میں شامل ہے اور پارٹی کی طرف سے نامزد کردہ امیدوار چوہدری تسنیم ناصر گجر ہیں ۔عوامی اور علاقائی اطلاعات و مشاہدات کے مطابق قومی اور صوبائی دونوں سطحوں پر پاکستان پیپلز پارٹی کی عوام رابطہ انتخابی مہم زوروں پر ہے ۔

واضح رہے کہ پاکستان پیپلز پارٹی نے دو ہفتے قبل یونین کونسل پھلڑے سیداں کے گاؤں ٹبی سیداں میں پی پی پی یونین کونسل پھلڑے سیداں کے صدر سیداعجاز حسین شاہ کی رہائش گاہ پر کارکنان کے اجلاس سے شروع کیا گیا تھا ۔

اس اجلاس میں امیدوار برائے قومی اسمبلی چوہدری تسنیم ناصر گجر اور امیدوار برائے صوبائی اسمبلی حلقہ پی پی 24مرزا عبدالغفار نے شرکت کی تھی اور اپنے خطابات میں کہا تھا کہ معزز ووٹرز کو سیاسی عقل کا مظاہرہ کرتے ہوئے آزمائے ہوؤں کو دوبارہ نہیں آزمانا چاہیے بلکہ صرف ملازمین اگر تھوڑے سیاسی عقل شعور کا مظاہر ہ کریں تو انکی مستقل ملازمتیں ، پنشن ، گریجوئیٹی ہمیشہ کے لئے محفوظ ہو سکتی ہے اگر پاکستان بھر کے وفاقی اور صوبائی ملازمین اپنے خاندانوں سمیت 8فروری کے الیکشن میں’’ تیر‘‘ پر مہر ثبت کر سکیں۔

دیگر مقرر نے اپنے خطاب میں کہا کہ سیاسی طور عددی کے ساتھ عقلی اکثریت کا مظاہرہ کریں تو پورے ملک کے ساتھ ضلع جہلم اور تحصیل سوہاوہ سے بھی چوہدری تسنیم ناصر اور مرزا عبدالغفار جیسے عوامی رہنما بھی کامیاب ہو کر قومی اور صوبائی اسمبلی میں واقعی عوامی نمائندگی کر سکتے ہیں۔

اس اجلاس کے بعد دو خواتین عہدیداران اور ایک مرد عہدیدار پر مشتمل ٹیم نے گھر گھر جا کر ووٹرز سے رابطہ مہم کا آغاز جو اس وقت پورے صوبائی حلقہ پی پی 24کی تمام یونین کونسلوں میں زور و شور سے جاری ہے ۔ یہ عوام رابطہ مہم یونین کونسل پھلڑے سیداں کے بڑے تاریخی گاؤں پڑی درویزہ پہنچ چکی ہے ، عوام خصوصاً گھر یلوخواتین پیپلز پارٹی کو ووٹ دینے لئے مائل دکھائی دیتی ہیں۔

گزشتہ روز پڑی درویزہ مع داخلیات میں رابطہ مہم کی گئی جو آئندہ چند روز تک کامیابی سے ہمکنار ہوتے ہوئے اختتام پذیر ہو گئی۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button