دبئی کے لیے اس سال یورپی سیاحوں کی بکنگ میں 11 فیصد اضافہ ریکارڈ کیا گیا۔
دبئی دنیا کے ان 10 سرفہرست سیاحتی مقامات میں شامل ہے جہاں موسم گرما کے دوران یورپی اور دیگر ممالک سے سیاح آتے ہیں۔
اس سال جولائی اور اگست میں موسم گرما کے عروج کے دوران یورپی سیاحوں کی بکنگ میں 11 فیصد اضافہ نوٹ کیا گیا ہے۔
فارورڈ کیز کے مطابق اعدادوشمار سے پتہ چلتا ہے کہ یورپ سے د بئی کے سفر کے لیے ایئرلائن بکنگ میں مسلسل اضافہ ہو رہا ہے، اعدادوشمار میں مغربی یورپ کے ممالک شامل ہیں۔
موسم گرما کے دوران یورپ سے سفر میں اضافہ دیکھتے ہوئے کہہ سکتے ہیں کہ تعداد کورونا سے پہلے کی سطح تک پہنچ چکی ہے، دبئی کے محکمہ اقتصادیات و سیاحت کے جاری اعدادوشمار کے مطابق جنوری سے اپریل 2024 تک دبئی آنے والے مغربی یورپ کے سیاح سرفہرست رہے۔
چار ماہ کے دوران ان کی تعداد 1 اعشاریہ 45 ملین رہی جو کل سیاحوں کا 22 فیصد ہے،رواں سال کے ابتدائی 4 ماہ کے دوران دبئی آنے والے بین الاقوامی سیاحوں کی تعداد 6 اعشاریہ 68 ملین رہی جبکہ گزشتہ سال اسی مدت کے دوران 60 اعشاریہ 2 ملین سیاح یہاں آئے تھے جو اس سال چار ماہ کے دوران11 فیصد زیادہ ہے۔
