جہلم کے مضافاتی علاقوں میں غیر قانونی منی پٹرول پمپس کاکارروبار جاری ، گیس سلنڈروںمیں گیس ری فلنگ کا دھندہ بھی عروج پر پہنچ گیا۔ سول ڈیفنس کے ذمہ داران و افسران نے آنکھیں بند کر لیں۔
تفصیلات کے مطابق اندرون شہر سمیت ضلع کے مضافاتی علاقوں میں ایل پی جی گیس سلنڈروں میں گیس کی ریفلنگ سمیت منی پٹرول پمپس کی بھرمار ہوچکی ہے جس کی وجہ سے کسی بھی وقت کوئی بڑا حادثہ رونما ہونے کا خدشہ لاحق ہو چکا ہے۔ اس دھندہ میں ملوث بااثر افراد کھلم کھلا یہ گھناؤنا کارروبار جاری رکھے ہوئے ہیں ۔
ضلع بھر کے رہائشی علاقوں میں یہ کام دیدہ دلیری کے ساتھ جاری ہے جنہیں کوئی پوچھنے والا کوئی نہیں۔ سول ڈیفنس کے عملے نے حقائق کا علم ہونے کے باوجود آنکھیں بند کر رکھی ہیں۔
جہلم شہر کی سماجی، رفاعی، فلاحی، مذہبی اور شہری تنظیموں کے عمائدین نے وزیراعلیٰ پنجاب، چیف سیکرٹری پنجاب، کمشنر راولپنڈی اور ڈپٹی کمشنر سے نوٹس لینے کا مطالبہ کیاہے ۔
