سوہاوہ: پولیس نے اہم کارروائی کرتے ہوئے سال 2011 سے قتل کے مقدمہ میں مطلوب اشتہاری مجرم کو گرفتار کر لیا۔
تفصیلات کے مطابق جہلم کی تحصیل سوہاوہ میں ایس ایچ او تھانہ سوہاوہ اور ان کی ٹیم نے جدید سائنٹیفک طریقہ کار اور خفیہ معلومات کی مدد سے کارروائی کرتے ہوئے 15 سال سے روپوش اشتہاری مجرم کو ٹریس کر کے گرفتار کر لیا۔ گرفتار ملزم کے قبضے سے آلہ قتل، رائفل 12 بور سنگل بیرل بھی برآمد کر لی گئی ہے۔
پولیس حکام کا کہنا ہے کہ ملزم گرفتاری سے بچنے کیلئے عرصہ دراز سے روپوش تھا، تاہم موثر حکمت عملی کے تحت اسے گرفتار کر لیا گیا۔
ملزم کے خلاف قانونی کارروائی مکمل کرتے ہوئے مزید تفتیش جاری ہے۔
ڈی پی او جہلم شفیق احمد چوہدری نے کہا ہے کہ سنگین مقدمات میں مطلوب اشتہاری مجرمان کے خلاف کارروائیاں بلا تعطل جاری رہیں گی اور قانون شکن عناصر کے ساتھ سختی سے نمٹا جائے گا۔
